Karrajua - blog sarrera - Comments

People & love

Benito — Mon, 01 Dec 2008 16:03:35 +0100

Sa Vane estuplendida! Piropoak, horiek denak eta gehiago mereziko dituzu. Baina irakasleak esan dizun bezala, apur bat serio eta erretxinak gara hemengoak, eta horrelako harreman batean hasteko datu gehiago behar ditugu. Sikieran Facebook-en edukiko bazintut. Portzierto Vane, beste nonbaitetik ezagutzen zaitudala uste dut.

Bihotz handiko pertsona ematen duzu, eta gu bezalako urruneko intxaurrekin liluratu baino lehen, hobe zenuke mimo horiek guztiak benetan behar dituenarentzat gorde: zure irakaslearentzat.

Ez duzu ikusten koittad(o)a zelan dabilen? Estresatuta, ordu piloa lanean, kabareteraren ordutegiekin, materiala topatu ezinik, ordenagailuarekin borrokan, ikasleok ez diozue kasurik egiten, purrustadak bota ere bai, paper eta tramite piloa betetzen, orduak handik eta hemendik kontatzen, gainera listo guztion kritikak hartzen... Mimatu ezazue Vane! Berak ere -askotan kontrakoa pentsatzen duzuen arren- bihotza dauka, Ainhoak ezin hobeto esan dizu, eta zuek zarete hurbilen dituenak.

Ainhoa.

Eskerrak baten batek irakutzen duela dibertimendu eta ligoteo-planta hauen atzetik, je, je... Duela gutxi jakin nuen enpresaren mundu automatizatu-deshumanizatuan azkenengo instrukzioetako bat pertsonei giza-baliabideak ez deitzea izan dela. Horixe, gurean ere pertsonak daude, ez soilik orduak edo emaitza akademikoak, eta ostiralean jorratu ziren arlo batzuetan: prestakuntza, emaitzak... pertsonek uste, sentitzen eta ikusten dutena ere langai eta ebaluagai da.

Bide batez, Iñaki Muruak komentatu duenarekin lotura egin dut. Web2.0ra ailegatzeko zenbat falta zaigun kezkatu zaigu. Beharbada arazoa teknikoa baino bipuntuzerismoaren ezaugarri nagusietako batez ez konturatzea da: web2.0k ekarri duen "iraultza" handienetako bat pertsonei nagusitasuna ematea izan dela, ez sofware, eduki edo teknologiari soilik. Pertsonen web-a, ez datuen web-a. Ummmm! Kasualitate asko.

Arrikitaunparentesiartean

Zer zabiltza? Kartelerako modeloen bila/eskean? Horrelako top-modelen katxea ez da merkea izaten, e! Egizu berba nire agentearekin.

Joer Beni! ligatzeko

edorta (arrikitaun) lopez — Mon, 01 Dec 2008 10:36:49 +0100

Joer Beni! ligatzeko horrelakoak egin behar izatea ere! Non daude poteoak eta lehengo kantu afariak?. Beno, kontu serioak: Aurreko ostiraleko jardunaldi akademikoan azaldu zigutenez, euskaltegietako ikasleen %69 (69,ehh!!)emakumezkoa da, adinaren batez bestekoa, 34 urte. Irakasleen profila berriz, % 69 (berriro ere!) emakumezkoa, adina 38 urte. Hau da, datu guztiak batuta, euskaltegietan 10etatik 7 emakumezkoa eta adinari dagokionez media 36 urte. Bizilekuari dagokionez, erdia baino gehiago bizkaitarra da, ziurrenik, metropolitarra, hau da metroz Bilbora datorrena. Egoera zibilaren inguruan ez zuten daturik eman, mekatxis!
Hori guztia ikusita, euskaltegietako bezero potentzialaren profila imaginatzea ez da zaila eta horri begira datorren ikasturteko matrikulazio kanpainarako kartela ere irudikatu dut:
Kartela: DIN A0, todokolorean. Bertan, 44 urteko gizon bat, burusoiltzen hasita, sofan etzanda telebistari begira, artilezko jertsea eta etxeko zapatila koadradun itsusi horiek jantzita. Aurpegia, triste. Argazkiaren gainean arial 358 letraz idatzirik honako testu bat: Noiz arte amaren etxean asperturik? Zatoz euskaltegira eta askatu mingaina!
Neuk Bilboko metroan egingo nuke, baina bizkaibuseko markesinak ere ez lirateke leku txarra. Beno, ideia hor dago! baten batek garatu nahiko balu, harremanetan jarri nirekin. Ondo izan!

Eh, euskaltegian ligatzen da!!

ainhoa — Sun, 30 Nov 2008 18:55:43 +0100

Vane, kasurik ez. Euskaltegietan ligatzen da, eta ez gutxi gainera. Ez dugu dena hemen kontatuko baina jubilatuen artean ere ikusi ditut amodio sakoneko ezkutuko bikote berriak, bihotz apurtuak, maitemintze intentsoak...

Irribarre bihurriz begiratzen diot sortu berri den ikasle-bikoteari, nola laguntzen dioten elkarri ariketak zuzentzen, elkarri zirika. Ikasle-irakasle harremanei buruzko xehetasun askorik ez dizut eman nahi baina hortik ere ligatzetik asko-asko egoten da.

Orain profesional-profesionalak izateko eskatuko digute, irakaskuntza teknifikatu nahi dute, baina kalitatea zer den eztabadaidatzeko arrazoi asko dago. Frogatuta dago emozioz ikasten dena zailagoa dela ahazten, berotasuna eman behar zaiola azalpenari; hori unibertsitatean irakatsiko ahal digute!

Beharbada irakasle-karnetan puntuak kenduko dizkigute gure lana ondo ez betetzeagatik... Aukeran, nahiago dut puntuak kentzea nire ikasle bati ergatiboa ondo ez irakasteagatik eta ez ikasle batekin "eskolaz kanpoko ekintzak" egiteagatik. Puntu gutxiago galduko nuke seguru.

Hau ere ez kontatu inori.

Vanessa, tia

Vanessaren irakaslea — Sun, 30 Nov 2008 16:19:17 +0100

Vanessa, tia! Ez dizut esan mila bider euskaltegian ez dela ligatzen? Hori marketing-a baino ez da, AEK-koek asmatu zuten ikasle gehiago lortzeko, baina gezurra da.

Eta gainera ez dizut esan internet oso arriskutsua dela? Jende arraro asko dabil eta ez dakizu idatzi duzuna nork irakurriko duen. Ez dituzu egunkariak irakurtzen?

Gainera Karrajuan sartu zara. Ai ama! Ez dakizu hemen dabiltzanak kritikoi batzuk direla eta gainera dena piatzen dutela? Zer nahi duzu Vane? Zure argazkia interneten ipintzea? Hauek kapaz dira, e!Idaztean zenbat falta egiten duzun denek ikustea ere bai? Zutaz barre egingo dute, oso gaiztoak dira.

Gero gainera hasiko dira ni kritikatzen. "Zer irakasle dauka neska honek?", "Nola da posible oraindik tz eta tx ez bereiztea?", "Hemen ikusten da gure erralitatea!" eta horrelakoak. Gainera daukate "mala leche" bat! Beti botatzen diote errua HABEri, eta txarrena da gero HABEkoek irakurriko dutela eta enteratuko direla, eta hauen kritikekin pikatu egingo dira eta zas! Sartuko didate pakete bat niri!

Bai, Vane, paketea. Ez dakizu orain euskara irakaslea izateko karneta ipiniko digutela? Batzuek diote gainera unibertsitatera joan beharko dugula, eta gainera 4. maila atera beharko dugu.

Ba, horrela jarraitzen baduzu, karneta eta EGA kenduko dizkidate, eta errekuperatzeko "unira" joan eta 12 orriko idazlanak egitera.

Ze polita, e? Eta zu kexatzen zara krisiari buruz idazlana egiteko esaten dizudanean (horrela idazten duzu gero, klaro!). Begira guk zer egin behar dugun. Ondo ezta? Ai neska!

Eta gainera-gainera, hauek guztiak nik ezagutzen ditut, eta gaiztoak, kritikoiak, kontakatiluak eta "enteraoak" izateaz gain, oso itsusiak dira.

Vane, Vane, Vane! Kontuz ibili gero! Itxaron 2. maila atera arte behintzat.

Ai zer neska! Jatorra da, baina apur bat txoriburua. Ez egin jaramonik.

Eta hau guztia ez kontatu inori, mesedez.

Asunak eta ezinak

Benito — Sun, 30 Nov 2008 14:44:00 +0100

Ai, plisti laguna. Ondo dakizu ezinezko amodio istorio baten aurrean gaudela. Jakintza sakratuaren zaindariok iristezinak izaten gara hezur-haragizko bihotz horientzat. Gure sentipenak eta penak gordeta daude haientzat.

Perfekzioarern paradisuko seme-alabatzat gaituzte, eurak inoiz arrimatu bai, baina sekulan bertatik bertora ikusiko ez duten Shangri-La bateko biztanleak. Urrunegiak.

37 galdera egingo lizkigukete inoiz, baina guk -ohi dugun bezala- testu sakratuen pasarteekin erantzungo diegula susmatzen dute.

Eskerrak gure arteko dibertimendu hutsal hauek lausotzen dizkigutela penok.

Ze piropo politak!

Vanessa — Sun, 30 Nov 2008 14:37:41 +0100

Jo, ba beste egunean gure irakaslea gauza berdina ezan zigun, eta klasean saiatu ginen erantzutea ea zer zen pasatzen zena. Batzuk esaten zuten mutilak ikasten zutela gauza teknikoagoak (FP eta horrela) eta badaudela denak lanean; beste batzuk esaten zuten erizain gehienak neskak direla eta asko eta asko daudela euskaltegietan. Etxekoandre batek esan zuen famili batzutan aitak lan egiten duela eta amaren erresponsabilitatea direla umeak, eta horrexegatik ikasten dutela amak euskara: umeekin hitz egiteko eta eskolako debereekin laguntzeko... Total, mutil gutziago daude klasean.

Oarra: Asko guztatu zazkit esaten didazun gauzak, horregatik bidali dizut mezu pribatuan nire telefonoa; mutil jatorra iruditxen didazu eta igual nahi baduzu ba...

Vanessa

Kezkagarria

Benito — Sun, 30 Nov 2008 14:21:05 +0100

Idazkunon iturria testu prenetworkiar horretan badago eta berreraiketan testu horren pasarte gehiago aurkitzea espero badaiteke, laster batean hau aurkitu dezakegu: "Zazpi trumoiek hitz egin zutenean, idaztera nindoan, baina ahots bat entzun nuen zerutik esaten: «Gorde isilpean zazpi trumoiek esan dutena eta ez idatzi»".

Kezkagarria oso. Mendeek gordetako sekretu lazgarri gorde beharrekoa aireratuko ote dugu? Pandoraren kutxarena adinako hondamendia piztuko ote du gure jakin-esan minak? Apokalipsia bera akaso? Dr. No edo Darth Vaderren eskuetan jarriko ote dugu mundua menperatzeko giltza? Zazpina tximistak kiskaliko gaituzte? Howard Carterren madarikazioak joko gaitu gu ere?

Hobe izango da agian emaitzak inora zabaldu baino lehen munduko aditurik adituenen ikerketagune eta laborategietara bidaltzea, eta munduko agintariei baino ez jakinarazi oraingoz.

Prudentzia, tentua eta isiltasuna, lagunok.Eskutartean daukagunak ihes egin ahal digu plisti-plasta doktorearen hipotesia berresten bada.

Maitasunaren asunak

Plisti-plasta — Sun, 30 Nov 2008 12:59:38 +0100

Maiteminduta sumatzen zaitut, Benito. Zaude lasai, izan ere, nahiz eta kaixomaitian ezer lortu ez, sartuko zaitugu euskaltegitera bidaltzeko antolatzen ari garen honelakoren batean. Bitartean, neskak limurtzeko, maitasunezko abesti politak ikastea gomendatzen dizut. Lehengoan aditu nuen horrelako bat idatziko dizut. Hona:

Maitiak galdegin zautan,
ikasle nintzanez (bis)
ari, ari nintzela baina,
ikasi ez, ikasi ez.

Maitiak galdegin zautan,
trebe nintzanez (bis)
trebe, trebe nintzela baina,
astirik ez, astirik ez.

Maitiak galdegin zautan,
lantzen banuenez (bis)
lantzen, lantzen nuela baina,
ibili ez, ibili ez.

Maitiak galdegin zautan,
aukera nuenez (bis)
modu, modua banuela baina,
gogorik ez, gogorik ez.

Gaixoa, mintzatu dugu,
guk biok aise (bis)
aise, aise hitz egin baina,
bihotzez ez, bihotzez ez.

Lasai, jakin dakit maitasunak honelako asunak dituela eta sentipenak honelako penak baina eutsi egingo diogu. Merezi du eta.

I.O: Bikaina benetan Benito, lehengo eguneko kontzilioari buruz egin duzun kronika bikoitza. Nire erantzunak, berriz, ez hartu aintzat ere. Dibertimentu hutsalak dira.

Jakinduria eta Apokalipsia

Plisti-plasta — Sun, 30 Nov 2008 12:20:54 +0100

Usteak erdia ustel. Aitzindari Eliseo Benitok bestela uste arren, idazkunon gai nagusia Jesus, Joxe eta Miriam dira (pentsatzekoa zen kontzilio bateko glosak izanda). Lehenago ere ezagunak ziren hainbat idazki prenetworkiar dituzte oinarri gainera, Apokalipsia eta Jakinduriaren liburua hain zuzen (biak ala biak Ciberlibrary Word Incunabula Network-en dituzue kontsultagarri). Orain arte deskodetu direnek, honela diote:

Zerutik entzuna nuen ahotsak berriro hitz egin eta esan zidan: "Zoaz eta hartu itsas gainean eta lehorrean zutik dagoen aingeruak eskuan duen liburu irekia" Joan nintzen aingeruarengana eta liburuxka emateko esan nion. Hark esan zidan: "Tori eta irentsi: sabela garraztuko dizu, baina ahorako eztia bezain gozo izango duzu".

............

Jakinduria gizakia maite duen espiritua da, baina ez du zigor gabe uzten gaizki-esalea; zehatz aztertzen du beronen pentsamendua eta esaten duen guztia entzuten.

Epigrafistek lanean dihardute goiz eta gau Aitzindaria buru dutela, pentsatzekoa da epe laburrean beste aurkikuntzaren bat ere izango dela. Horrela izango ahal da!

Urdin Izar.

Kasualidadea. Atzo hortaz

arkaitz zarraga — Thu, 27 Nov 2008 09:56:40 +0100

Kasualidadea. Atzo hortaz aritu nintzen lagun batekin. GUraso talde batean nahiko kezkatuta daude, gramatika ezin barneraturik. Ume txikien gurasoak gehienak eta motibazioaren baldea guztiz betea. Baina gramatikak zuloa egin die baldean eta erabilerara ez da ezer heltzen. Irakasleak gramatika beharrezkoa dela eta lehenik ondo ulertu behar dutela esan die! Behar bada, guraslen irakaslea ikasle horien seme-aleben andereñoarekin harremanetan jarriko balitz, materiala partekatu eta ikasketa signifikatiboagoa lortuko lukete. Agian ikusiko lukete 4 urteko umeek eta haien gurasoek bide antzekoa eginez barnera dezaketela hizkuntza!! Umeek ez dakite ergatiboa zer den, ikas prozesuaren zenbait etapetan ez dute ondo erabiltzen (ohikoa eta normala da) baina inork zuzendu gabe ere, azkenean berez egiten dute ondo.

Ez dakit jarri dudan adibidea baliagarria den, baina, behar bada, egiturazko aldaketak etorri bitartean... Izan ere, euskaltegien sarea behar bezala eratuz gero, hezkuntzan eman dituzten urratsak emango genituzke (garaturen antzeko zerbait, baliabideak prestakuntzarako, liberazioak, dedikazioak, berritzeguneak...)

Tira, barkatu aspaldi hontako ausentzia. Isilik baina betiko interesakin jarraitzen ditut henengo kontutxuak, e?

Onurak

Benito — Tue, 25 Nov 2008 12:47:05 +0100

Bai, Luistxo, gustatu egin zitzaidan zurea irakurri nuenean. Zuk diozun modura, onuragarria izango litzateke antolatzaileentzat halakoen berri "a posteriori" ematea, baina ez soilik ospe edo marketing kontuengatik. Zuk ekarri dituzun arrazoiei pare bat gehituko nieke:

Jardunaldi horietan esan dena jende gehiagorengana ailegatzeko modua da. Bertaratu direnenez gain, hainbat jenderen eskura ipintzen da ezagutza.
Jardunaldiekin sarri zabaldu nahi diren hausnarketak edo prozesuei segida emateko modua da. Entzun-esan dena iruzkindu, baloratu, azaldu, berprozesatu eta bideratzeko lana egin daiteke blogosferan. Askotan halakoetan oso gauza interesgarriak esan direla, hizlariak ikaragarriak izan direla baina gauzak horretan geratzen diren sentsazioa geratu ohi da.

Blogosfera eta internet halako hausnarketa eta prozesuen tresna eta kanal osagarri gisa ikustea eskatzen du honek guztiak, ez soilik iragarki-taula.

Jardunaldiez, a priori / a posteriori

Luistxo — Tue, 25 Nov 2008 11:36:57 +0100

Han-hemenka aipatu izan dut kontu hau; jardunaldiez a-posteriori zein gutxi kontatzen den. Sustatu.com-era ere, zenbatek bidaltzen dituzten honako topaketa, hizketaldi edo mintegiaren oharra. Beti esperantzarekin aretoa ez dela hutsik egongo, Sustatuko ohar horrek audientzia 20 lagunetik 25era igoko duen itxaropentsu.

Bai, a-prioriko propaganda hori behar da. Baina, gero, kronikarik edo materialen argitalpenik gertatzen ez dela ikustean, galdetzen diot neure buruari: bueno, zein zen kontu honen benetako interesa? jardunaldia zen notizia eta aretoa txukun betetzea helburua?

Ez ote luke notizia izan behar jardunaldian esan dena, eta helburua haren zabalkundea?

Halakoak kontatzeko edo zabaltzeko gogoa sortzen ez zaigun bitartean, ez dugu blogosfera edo sareko komunikazio osasuntsurik izango euskaraz, nire ustez.

Bestalde, iruditzen zait, antolatzaileen ikuspegitik ere, askoz mesede handiagoa egingo diela a-posterioriko kronikekin hornitzea bazterrak, beren jardunaldietan zein gauza interesgarri esaten diren zabaltzea, ezen ez berriro aretoa betetzeko antsietate horretara itzultzea.

Badaezpada

Aitor — Sun, 23 Nov 2008 11:54:42 +0100

Badaezpada karpeta eta libururen bat eramango dut, nahas ez nazaten.
Egia esan, harrituta naukazu, Beni: zure suskripzio edo harpidetza-sistemari (delicious, blognlines... edo dena delakoa) emakumezkoen poltsaren itxura hartzen diot: denetarik aurki daiteke bertan!

Buzoarekin? Kontuz!

Benito — Sat, 22 Nov 2008 21:55:17 +0100

Aitor, leku gutxi dago, eta buzoa jantzita bazoaz baten batek mantenimientokoa zarela pentsatuko du eta igual ez dizute sartzen utziko, edo txarrago, zeozer konpontzen ipiniko zaituzte. Jantzi apur bat "casual" sikieran.

Jardunaldiak berreskuratzearena, ba, ez dakit.

Alde batetik argi dago gure sektore honek foroak behar dituela, une honetan ez daukagu ezer, gainera, gogoratzen dut UEUren jardunaldietan jendea apuntatu egiten zela, interesa dagoen seinale.

Beste alde batetik baina, apur bat eszeptiko nabil, arrazoi desberdinengatik. Bat, ez gaude ohituta halako foro formaletan jarduten (hizlari gisa esan nahi dut) eta kostatzen da ausartzea ere, zerbait informalagoa beharko litzateke akaso. Beste bat, UEUk utzi zionetik ez dut berreskuratzeko interesik edo proposamenik nabaritu, ez HABErengandik, baina, eta hau da kritikoena, euskaltegien partetik ere ez. Azken bat, irakasleak lanez lepo dabiltza, eta zaila izaten da tarteak aurkitzea, eta irakasleek parte hartzeo animoa izatea ondorioz.

Edozelan ere, HABEtik hau ez dela azkena izango esaten omen dabiltza. Ikusiko dugu ba!

Buzoarekin joango naiz

Aitor — Sat, 22 Nov 2008 17:53:51 +0100

Ni bai, behintzat. Korbata nire ezkontzara ere ez nuen eraman. Beraz, atera kontuak!

Pintxorik ez dakit egongo den, baina egotekotan Kursaalekoek baino sustantzia gehiago izatea espero dut.

Momentuz, daukagun aukera hau aprobetxatu beharra dugulakoan nago. Honen harira etorriko hal dira etorri beharrekoak. Behintzat duela urte batzuk egin ziren topaketak berreskuratzea ez da ideia txarra. Nik dakidala bizpahiru urtez jarraian egin ziren UEU, AEK eta udal euskaltegietako irakasle batzuen ekimenez. Aktak eta guzti atera zituen UEUk liburu batzuetan. Harrez gero eten egin zen ohitura izatera ere heldu ez zen ekimen interesgarria. Espero dut aurtengoak segida izatea. Nola? Aurreko urtekoa hobetuta, dudarik gabe.