http://karrajua.net/bloga/zuzenketa Comments for "zuzenketa" eu http://karrajua.net/blog/benito/berriketan_zuzendu#comment-746 <!--paging_filter--><p>Gela eta kalea, bai, deskuidoan gela eta kalea kontrajarrita ipini ditut. Asmoa ez da hori izan hala ere, kontrakotik gehiago. </p> <p>&quot;Herria irakasle&quot; aldarrikatzen zen aspaldi, eta gaurko ikuspegi batekin esan daiteke irakasle kategoria daukana baino irakasle gehiago daudela. Mintzalagunak ere sartu daitezke kategoria horretan zabaltasun horren izenean. </p> <p>Hala ere, mintzakide bati hizkuntzari buruzko hausnarketa, diskurtsoaren prestaketa eta abarrak gidatzea eskatzea askotxo da, ezta? Areago hizkuntz-instruktorea izatea. </p> <p>Komunikazio-esperientzia gustura konpartitzea bilatzen dute alde biek halakoetan, tentsioak eta formalitateak saihestuz, eta zuzentasunarekiko ardurarekin bazoaz halako batera, besteak onartu arren alferrikako tentsioa hartuko duzu seguruenik. </p> <p>Zuzentzeko zeharkako moduak ere badaudela esango didazu, &quot;atseginagoak&quot;, bai. Besteak esan duena &quot;ondo&quot; errepikatu ondo entzun ez bazenu bezala eta baieztapena eskatzeko plantan, esaldiak amaitzen lagundu... Dena dela, neure esperientzian konturatu naiz horrelakoek askotan ez dutela espero den berehalako eragina izaten. Ondo esango duzu, besteak entzun eta ulertu, baina une horretan arreta ez badauka hizkuntzan jarrita (normala izaten dena), handik minutu batera errore berdina egingo du (esan duzunari erreparatu ez, edo erreparatu bai, baina gogoratu ez, arreta eta memoria tartean). Berregituratzea, jarioa eta zuzentasunaren arteko gatazkena izan daiteke azken batean. </p> <p>Ondorioz, bota ditzagun parraplada batzuk trankil; ikasgelan, tabernan, kale erdian edo igogailuan, edo beste zerbait egingo dugu berba egiten dugun bitartean, eta zerbait zuzendu behar-nahi-ahal bada, zuzenduko dugu, zelan edo halan, baina horrekin tematu barik, berriketan gabiltzan bitartean behintzat.</p> <p>Bide batez, <a href="http://cuadernointercultural.wordpress.com/2008/02/07/los-errores-en-la-ensenanzaaprendizaje-de-lenguas/">artikulu honetan</a> dauzkazue erroreen trataera eta zuzenketari buruzko testu interesgarri batzuk. Eta gauzak irakasle barik ikasteari buruz (modan dago ikaskuntza informalarena) beste <a href="http://nodosele.blogspot.com/2008/03/un-mundo-sin-cursos.html">hau</a>. </p> Tue, 18 Mar 2008 16:49:00 +0100 Benito comment 746 at http://karrajua.net http://karrajua.net/blog/benito/berriketan_zuzendu#comment-745 <!--paging_filter--><p align="justify">Zein gertu dauden erabilerarako eta ezagutzarako predikatzen ditugun ereduak. Horiek izango ahal dira praktikatzen ditugunak! </p> <p align="justify">Zure proposamenak irakurtzean, ezin izan ditut ahaztu gelan, mintzamena lantzeko, egitea esaten digutenekin akordatzea. Horrexetan baitatza euskara (edozein hizkuntza) erabiltzen trebatzeko prozesua: hizkuntzori erabili, esanguratsuki eta, ahal bada, arrakastatsuki, egindako hipotesiak barneratzen joateko. </p> <p align="justify">Baina, betikoa, zein zaila den oreka aurkitzea. Zein zaila erabakitzea noraino zuzendu eta noraino laga hiztun berria bere adierazpena garatzen. Gelaren eta kalearen arteko aldetzat hartzen duzu zuzenketaren kontua; baina ez al genituzke hiztun berri horiek apur bat behartu beharko zuzen egiten, gelan eta kalean, hizkuntza fosiliza ez dakien? </p> <p align="justify">Berbalagunean, mintzakidea ez da irakaslea; baina, ikasten ari denarentzat, edozein jatorrizko hiztun da nolabaiteko &quot;irakasle&quot;, bere garapenean behar duen ezinbesteko makulu. Eta uste dut makulu horretan bilatzen duela bere gaitasunaren garapena. </p> <p align="justify">Azken baten, gelan egiten dena eta kalean egiten dena gauza bera da (izan beharko luke); soilik, kalekoa benetako dela, eta ez simulazioa.</p> Tue, 18 Mar 2008 08:22:00 +0100 otto comment 745 at http://karrajua.net