Karrajua - euskaltegiak - Comments

HPSren erantzuna

Benito — Fri, 25 Jun 2010 09:43:20 +0200

Bizkor ibili dira HPS-HABEtik erantzuten: HABEren 2011ko aurrekontuak zehazten ari da Eusko Jaurlaritza (Erabilli.com).

Murrizketak egon, egongo dira azkenean, oraindik ez dituzte aurrekontuak zehaztu, eta zer eskatu eta "...euskararen munduak ere solidarioa izan behar du"

Eusko Jaurlaritzak dio dirurik ez dagoela...

arrikitaun — Thu, 24 Jun 2010 18:33:43 +0200

...baina ze kasualitate guria falta zaiela...

Eta gorra hexagonalak gorra hexagonalak erosteko... 4 MILOI EURO!!!... ai ama!

Garenaren ispilu

Josu — Thu, 24 Jun 2010 14:12:39 +0200

Krisia krisi, AHT egin egingo dela ez dute duda izpirik egingo. Baina, amigo, euskaran artaziak sartu beharko dira. Garenaren -direnaren- ispilu, ez gehiago ez gutxiago: euskara ez da estrategikoa, puntopelota.

Bidea ederra da...

Antton — Fri, 26 Mar 2010 15:04:23 +0100

Larunbat goizean, zenbat lagun ez den kausituko bideetan! Goizeko ordu txikietan batzuk, Euskal Herriko txoko guzietatik,begiei hatza ezin kenduz, kilometroz-kilometro, asfaltoa irentsiz, ortzemuga urrun eta lainotuan behakoa galdurik, huts egin ez lezakeen, eta oroz gainetik huts egin nahi ez lukeen hitzordurako bidean... Sabela eta bihotza, mila pinpinlinpausek kilikatua, pozarekin, nostalgiarekin edota harrotasun zerbaitekin ere, azken hiru hamarkadetan zehar eginaz, ikusiaz eta biziaz, eta biziaren esker onez. Azkenean, ahopetik bada ere, doi bat harro izatekoa baita, hain aspaldi hasi partida honetan, Herri oso batek eginaren ttanttoak biltzeko orduan.

Hamarkadak betetzea, pausatu eta eginari beha egotekoa izaten da.
Flash-back-ak.
30 urte.
30 urte, euskara ikasten lehenik, izerdia botatzen, arau ilogikoen kokatzen logikoen artean. 1000 euskaldun gehiago.
30 urte, euskara irakasten, jendea biltzen, gauero-gauero, hiri erdian, borda batean, karrika itsu batean, nunnahi, zernahi jende. 2000 euskaldun gehiago.
30 urte, korrikak antolatzen, korrikak egiten, beti kilometro gehiago, beti jende gehiago. 30 urte, eremuak irabazten ez, konkistatzen, karrikan gaindi euskara predikatzen. 4000 euskaldun gehiago.
30 urte, etsitzen eta kexatzen ere, biharamun zohardiagoen zain, lanaren arrazoin onaz konbentziturik eta eusten. 8000 euskaldun gehiago.
30 urte, mintza-pratika bultzatzen, mintza pratika egiten, euskara doazkion eremu guzietara sarrarazten, eremu horietan finkatzen, zubiak eraikitzen, zuzentzen, gogoetatzen, berreraikitzen, lan egiten, ihardokitzen, asmatzen, ber-asmatzen... zenbat euskaldun gehiago?

30 urte eta jendeak. Azkenean AEK hori baita oroz gainetik, Pertsonak. Dauden Pertsonak, izan direnak eta egonen direnak. Langileak, erakasleak, lagunak, bai, bainan sustut, sustut, ikasleak, laguntzaileak, herri bat, mundu bat. Pertsonak, ezagutu direnak, bidaide izan direnak, maitatu direnak, edo ez. Pertsonak, zeinengandik beste batzuk asko dugun ikasteko. Hainbeste euskaldun!!

Larunbat goizean bidean, Pertsona asko egonen dira, dudarik gabe. Bihotzean pinpinlinak. Gogoan izanen dituztenak, oroitzapen onak izanen dira, metatu ttanttoak bailiran, txarrak aspaldian ahantzi baitziren, berekin arrastaka eraman gabe.

Hamarkadak betetzea, pausatu eta eginari beha egotekoa izaten da.
Alta ez gelditzekoa.
Hamarkada berriaren ortzemuga zenbait kilometroz hurbildu da, lainoak barreiatu dira, jada. 30 urte, heldutasunaren eta arduraren adina? Heldutasuna, itxuren arabera, ez baita gaur lortatukoa, bihurgune berri baten negoziatzeko ordua, besterik ez. Hamarkada berrian sarturik gara, hogeita hamaikagarrenean ari garenez... 31. Bizkitartean, partida ez da bukatua...

31. Ez da musik. Ez. Esku denari, inbido guziak libre, hordagoak ere zilegi.
Mintza haundian beraz!!

Zer utzi?

Plisti-plasta — Tue, 02 Feb 2010 20:11:59 +0100

Zer utziko diegu?

Paperak

ala

Pertsonen arteko hartu-emana, ziklikoa eta jarraia; ezagutza, edukiak, esanahia, trebezia, konfidantza eta taldetasuna apurka-apurka berekin hazten dituena*?

Zer utziko diegu?

Materialak

ala

dinamikak?

*Interakzioaren definizioa, Benitok eskainia.

Habeko irakaslea

leire narbaiza — Tue, 02 Feb 2010 11:10:10 +0100

Josuri moduan nik ere mu-ni-ci-pal esan behar izan dut sarritan. Behin, lagun batekin fitxatzeko txartela erakutsi behar izan nion, ez zidalako sinesten.
Beste behin, Correos-eko bulegoan beste udal euskaltegi batera gutun bat bidali nahi nuen, baina posta-bulegoko zigiluarekin. Postariak esan zidan euskaltegiak ez zirela leku ofizialak; hau da, ez zirela administrazioa. Atzera ere atera behra izan nuen zorioneko txartela. Erdi-konbentzitu nuen.
Dena dela, ez da erraza izaten gure txolopote hau azaltzea.
Ondo segi, lagunok

Zaharrak berri

Benito — Sun, 31 Jan 2010 21:17:49 +0100

Bai gizona, eta "Ah ¿Pero en AEK hay que traer bolígrafo?"eta beste hainbat. Bistan da imajinario horiek ez direla errazak aldatzen, baina erakunde publikoetatik ere ez dute asko laguntzen batzuetan, adiibideak, Euskararen Berripaperarena bateko, eta aipatu dituzun kartelak besteko. Dena dela, hori oraindik ere horrela bada, seinale euskaltegien komunikazio-politikak ere nonbait egiten duela kale, ze, sentsazioa daukat euskaltegien imajinarioa ez dela 20 urtean asko mugitu.

Bestalde, txutxumutxu hori ez da hain berria izan. Seguruenik batek baino gehiagok pentsatu du: "Patxi Lopez HABEn ari da ikasten".

T(r)opikoak

Jozu — Sun, 31 Jan 2010 20:33:38 +0100

Zenbat aldiz ez ote dudan esan: "De HABE no, mu-ni-ci-pal, joder, mu-ni-ci-pal." Baina alferrik, oraindik jendearen imajinarioan, neure inguruan behintzat, bakarrik daude HABE eta AEK. Edo bestela, Bilboko "euskaltegi handiak" (pribatuak, alegia). Beste alde batetik ez dut inoiz ulertu "HABEren dirulaguntzaz" jarri behar izatea ikastaroen publizitatean, adibidez; ez litzateke egokiagoa Eusko Jaurlaritzak lagundua dela, besterik gabe? Eta, topikoak topiko, jendearentzat, badakizu, azterketak gainditzeko "a HABE" etortzen zaizkgu eta berbetan ikasteko "a AEK" joaten zaizkizue ;-)

Eta amaitzeko, inork entzuten ez gaituenez, txutxumutxu bat.

Lekua lortu dute

Benito — Sat, 24 Oct 2009 02:13:53 +0200

Albiste honetan irakurri dugu Udalak eta eskolak ez dietela baimenik eman, baina Artxandape ikastolari esker klaseekin jarraitu ahal izango dute.

Donlad

David — Fri, 02 Oct 2009 07:17:38 +0200

My name is David James now a days I am doing cisco courses .I am intrested in soccer and cricket i also interested in listening music as well.

ups...

Iñaki Calvo — Thu, 17 Sep 2009 10:30:59 +0200

Egia da, okerreko esteka jarri nuen, hona hemen zuzena.

Orain Pluralekoekin neukan kontratua bukatu dut, baina haiekin kolaboratzen dut oraindik ere. Oso intereresgarria da eleaniztasunaren inguruan egiten duten ikerketa. Juliren lanaz gain, Margarida Cambrarena oso kontuan izatekoa da ere. Margarida taldearen ama da eta, duela gutxi arte, zuzendaria ere bazen. Europako Kontseiluarentzat hainbat lan egin du eta masterrean izan dudan irakaslerik onena da, zalantzarik ez.

Aurkezpenaren kontuari dagokionez, esperimentutxo bat besterik ez zen. Tresna horrekin ikaragarri erraza da halakoak sortzea!

Laster arte!

Eskerrik asko

Benito — Thu, 17 Sep 2009 00:43:32 +0200

Eskerrik asko informaziogatik, Iñaki. Zure blogeko lotura ipini duzu, ez mezuarena, baina zure erantzuna irakurrita gogoratu dut zelan esan zenuen blogean Plural taldean zabiltzala eta Palou duzula "nagusi". Lastima lehengo eguneko hitzaldiaz inork ezer komentatu ez izana. Badirudi hitzaldiaren grabazioaren DVDa HABEren liburutegian jarriko dutela eskuragai dena dela.

Portzierto, zure blogaren jarioa galduta eduki dut eta ez ditut zure azken mezuak ikusi. Oso interesantea EEMaren (MER) gaineko aurkezpentxo hau adibidez.

Erreferentzia onak

Iñaki Calvo — Fri, 11 Sep 2009 09:04:06 +0200

Kaixo!

Juli Palou gure ikerketa taldeko ikerlari nagusia da, nahi baduzue, hementxe daukazue gure web-orrian jarri genuen haren aurkezpena.Talde honetan urte bat baino gehiago daramat eta Juli fitxaje ona dela esan dezaket. Irakasle-prestakuntzan lan handia egiten du eta biografia linguistikoen gaian oso sartuta dago. Web-orrian taldearen bibligrafia osoa eskuragarri dago.

Laster arte.

Dolce far niente

Benito — Thu, 10 Sep 2009 22:47:41 +0200

@Aitor, uda pasatzeko manera asko daude, nirea:

@Ainhoa. zu urrun ibiltzerik ez zait burutik pasatu ere egin. Aupa tu!

Aurten ere, elkarlanerako prest

Ainhoa — Thu, 10 Sep 2009 13:48:41 +0200

Ba ongietorria izan bedi ikasturte berria!Aurten ez naiz izango ez euskara irakasle, ezta didaktika irakasle ere, baina badakizue oso urrun ere ez naizela ibiliko. Ez dut zuen bizitasun dialektikoa baina zer edo zer ekartzeko modurik izango banu, prest.

Aurten ere, Maite Goñi eta Andoni Tolosarekin ariko naiz ea ikastaro pare bat garatzea lortzen dugun: Euskal Kanten lanketa didaktikoa eta Ahozkotasuna plataformetan (EGA ahozkoa prestatzekoa). Gai hauek tentatzen bazaituztete, ongietorriak honetara ere.

Lasai hartu!